IG文案唔好做嘅三件事

1.過多hashtag
FB/IG會根據你嘅Hashtag去了解個post想Target咩人，如果太多hashtag會令到客群太精準，自然流量會相對減少，觸及率極低嘅情況下會變到個post根本就冇人會睇到（尤其是你啱啱開始），所以文案落5-13個就足夠！


2.內容及重點太多
大多老闆都想令所有顧客吸收晒產品/服務嘅全部特點，所以文案就會寫晒所有嘢出嚟，希望個客人知道晒之後，覺得超級引就落單，但其實咁樣反而弄巧反拙，因為個客唔會記得晒/想睇晒成篇文，同埋冇乜客會問你嘢…..大家可以考慮淨係放1-2個關鍵重點，令到個客有興趣之後再問你其他嘢，到時回覆嘅時候個客就會記得更清楚同覺得更吸引！


3.唔提及轉換方式
文案一定要提及聯絡或者購買嘅方法，唔係嘅話即使個客有興趣都唔知點樣去買，所以文案一定一定要有轉換嘅方法，例如有興趣pm、門市地址、市集擺放時間等等，先可以將流量轉換成訂單！